“Biz Çinlə potensial müharibəyə girmək istəmirik, amma sizə deyə bilərəm ki, əgər bunu etsək, bununla məşğul olmaq üçün çox yaxşı təchiz olunmuşuq”, – ABŞ prezidenti Donald Tramp Pekinlə qlobal rəqabət mövzusunda deyib.
Elchi.az xəbər verir ki, ABŞ prezidenti Tramp Oval kabinetdə keçirdiyi mərasimdə xarici siyasət gündəminə dair qiymətləndirmələr edərkən ABŞ-Çin rəqabəti və Rusiya-Ukrayna atəşkəs prosesi ilə bağlı fikirlərini bölüşüb.
Tramp New York Times-da (NYT) baş məsləhətçisi İlon Maska “Çinlə potensial müharibə planları” göstərildiyinə dair xəbərə cavab verib.
“Biz Çinlə potensial müharibəyə girmək istəmirik, amma sizə deyə bilərəm ki, əgər bunu etsək, onunla mübarizə aparmaq üçün çox yaxşı təchiz olunmuşuq. Amma bunu heç kimə göstərmək istəmirik. Siz, şübhəsiz ki, bu planları bizə çox kömək edən bir iş adamına göstərmirsiniz”, – Tramp deyib.
Maskın Pentaqona səfəri zamanı Müdafiə Nazirliyinin ixtisarına dair bəzi mövzularda Hökumətin Səmərəliliyi Departamenti (DOGE) ilə müzakirələr apardığını deyən Tramp, NYT-nin Çinlə bağlı hesabatının hissələrini “uydurma” və “saxta xəbər” olaraq müdafiə etdi.
Çin prezidenti Şi Cinpinlə də danışacağını bildirən ABŞ prezidenti Tramp, Çinə tətbiq edəcəkləri gömrük rüsumları ilə bağlı müzakirələrə açıq olduğunu bildirib.
“Tezliklə tam atəşkəs olacaq”
Tramp həmçinin Rusiya-Ukrayna atəşkəs prosesindən çox ümidli olduğunu və həm Rusiya prezidenti Vladimir Putin, həm də Ukrayna prezidenti Vladimir Zelenski ilə çox yaxşı münasibətdə olduğunu bildirib.
ABŞ prezidenti, “İnanıram ki, biz tezliklə bir çox sahədə atəşkəs razılaşmasına nail olacağıq. İndiyə qədər hər şey çox yaxşı getdi. Tezliklə tam atəşkəs olacaq və sonra biz saziş imzalayacağıq. Danışıqlar aparılmış sazişlər torpaqların bölüşdürülməsi ilə bağlı məsələləri də əhatə edəcək”. dedi.
ABŞ olmadan NATO mənasızdır
Digər tərəfdən, Tramp prezident olana qədər NATO-nun yaxşı vəziyyətdə olmadığını müdafiə edərək, səlahiyyət müddətində üzv ölkələrdən ödənişlərin artdığını və bunun ittifaq üçün yaxşı olduğunu bildirib.
“NATO hazırda möhkəm və güclüdür, lakin onlar bizimlə ədalətli davranmalıdırlar. Çünki bizsiz NATO-nun əhəmiyyəti yoxdur”, – Tramp deyib.
Şayəstə Hüseynova
