Torontoda kriptovalyuta sənayesində fəaliyyət göstərən şirkətin baş direktoru çərşənbə günü axşam oğurlanaraq 1 milyon dollarlıq fidyə qarşılığında sərbəst buraxılıb.
Elchi.az xəbər verir ki, Toronto Polis İdarəsinin verdiyi açıqlamaya görə, hadisə Universitet prospekti və Richmond küçəsi W yaxınlığında baş verib.
Hadisə yerində olan şahidlərin sözlərinə görə, şübhəlilər CEO-nu zorla maşına mindirərək pul tələb ediblər.
Səlahiyyətlilərin bildirdiyinə görə, daha sonra adam Etobikokdakı Centennial Parkda sağ-salamat tapılıb.
CBC Toronto-nun əldə etdiyi məlumata görə, qaçırılan şəxsin Torontoda yerləşən WonderFi maliyyə firmasının prezidenti və baş direktoru Din Skurka olduğu açıqlanıb. Fidyə elektron şəkildə ödənildikdən sonra Skurka sərbəst buraxılıb.
“Mən təhlükəsizəm və bütün WonderFi işçilərinin təhlükəsizliyi bizim üçün prioritetdir” deyən Skurka CBC-yə e-poçt göndərərək, bu hadisənin müştəri məlumatlarına və vəsaitlərinə təsir etmədiyini bildirib.
Kriptovalyuta şirkətinin baş direktoru fidyə qarşılığında oğurlanıb
