Avropa Birliyinin xarici işlər və təhlükəsizlik siyasəti üzrə ali nümayəndəsi Kaya Kallas aprelin 25-də Azərbaycana səfər edəcək.
Elchi.az xəbər verir ki, bu barədə APA-ya AB-nin Xarici əlaqələr və təhlükəsizlik siyasəti ofisindən bildirilib.
Qeyd edək ki, 2024-cü il dekabrın 1-dən etibarən Estoniyanın sabiq baş naziri Kaya Kallas AB-nin xarici işlər və təhlükəsizlik siyasəti üzrə ali nümayəndəsi vəzifəsinə başlayıb. O, bu postda daha əvvəl həmin vəzifəni icra edən Jozep Borrelli əvəz edib.
