Kanadanın baş naziri Mark Karni, Kanadaya suveren dövlət kimi layiq olduğu hörməti göstərməyincə, ABŞ Prezidenti Donald Trampla “tam miqyaslı danışıqlar” aparılmayacağını söylədi.
Elchi.az xəbər verir ki, Paytaxt Ottavada əyalət liderləri ilə görüşən Kanada Baş naziri Mark Carney gündəmlə bağlı qiymətləndirmələr etdi.
Carney, Kanadanın “suveren bir dövlət olaraq layiq olduğu hörməti görməyincə” Trampla danışıqlar aparmayacağını, bunun “böyük tələb olmadığını” söyləyib.
Nəhayət, amerikalıların da Trampın ticarət siyasətinin qurbanı olacağını iddia edən Karni, Tramp administrasiyası ilə danışıqların hörmətlə və əhatəli şəkildə aparılacağına əminliyini ifadə edib.
GÖMRÜK rüsumunun gərginliyi
ABŞ-ın Kanada və Meksikadan idxal etdiyi məhsullara 25 faizlik əlavə rüsum martın 4-dən başlayıb.
Tramp daha sonra aprelin 2-dək “ABŞ-Meksika-Kanada Müqaviləsi (USMCA)” çərçivəsində olan məhsullara tarif tətbiq etməyəcəklərini açıqlayıb.
ABŞ prezidenti Donald Tramp ölkənin polad və alüminium idxalına əlavə rüsumların martın 12-dən qüvvəyə minəcəyini açıqlayıb.
Martın 10-da Kanadanın ən sıx məskunlaşdığı Ontario əyalətinin baş naziri Duq Ford bəyan edib ki, Vaşinqton administrasiyası tariflər müqabilində ABŞ ştatlarına təqdim etdikləri elektrik enerjisinə 25 faiz əlavə rüsum tətbiq edəcək.
Ford, lazım gələrsə, bu nisbəti artırmaqdan da çəkinməyəcəyini vurğulayaraq, “ABŞ bunu artırarsa, elektrik enerjisini tamamilə kəsməkdən çəkinməyəcəyəm. Bu ticarət müharibəsini başlatmadığı üçün Amerika xalqına çox yazığım gəlir. Məsuliyyətli yalnız bir adam var, o da prezident Trampdır” dedi.
Ağ Ev martın 12-də Kanadanın Ontario əyalətinə xəbərdarlıq edib ki, ABŞ-a elektrik enerjisini tamamilə kəsmək planları “ciddi nəticələrə” səbəb ola bilər.
Şayəstə Hüseynova
