İsveç hakimiyyəti Baltik dənizində kabellərin zədələnməsini təxribat adlandırıb.
Elchi.az xəbər verir ki, bu barədə krallığın prokurorluğu məlumat yayıb.
İstintaq ilkin mərhələdədir, onu Beynəlxalq və Mütəşəkkil Cinayətkarlıqla Mübarizə Milli Bölməsindən dövlət ittihamçısı Henrik Sederman aparır, departament qeyd edib.
Noyabrın 17-də Litva ilə İsveç arasında sualtı rabitə kabelinin zədələnməsi məlum olub. Səbəbi hələ məlum deyil, lakin məlumatların ötürülməsi tamamilə pozulmayıb. Litva öz sularına nəzarəti gücləndirəcəyini vəd edib. Litva Hərbi Dəniz Qüvvələrinin məlumatına görə, insident beynəlxalq sularda baş verib.
Ertəsi gün Finlandiyanın Cinia şirkəti Almaniya və Finlandiyanı birləşdirən C-Lion1 optik lifli sualtı kabelinin zədələnməsi barədə məlumat verib. Cinia-ya görə, kabelin zədələnməsi İsveçin eksklüziv iqtisadi zonasında, Elanddan şərqdə, cənub ucuna doğru, Helsinkidən təxminən 700 kilometr aralıda baş verib. Daha sonra şirkət 1170 kilometr uzunluğunda kabelin lövbər və ya sualtı trol şəbəkəsi ilə zədələndiyini güman edib.
Berlin və Helsinki dərin narahatlıqlarını ifadə ediblər. Hadisə ilə bağlı hərtərəfli araşdırma aparılır. Almaniyanın müdafiə naziri Boris Pistorius hesab edir ki, kabellərin zədələnməsi təxribatın nəticəsidir.
Yeganə
