İsrail ordusunun Qəzzanın bir çox nöqtəsinə havadan və qurudan hücumları nəticəsində 50 fələstinlinin həyatını itirdiyi, onlarla insanın isə yaralandığı bildirilib.
Elchi.az xəbər verir ki, İsrail ordusu soyqırım müharibəsinin birinci ilində Qəzzanın şimal, cənub və mərkəzi hissəsinə qarşı hücumlarını davam etdirib.
Səhiyyə mənbələrindən alınan məlumata görə, mərkəzi hissədəki Əl-Bureyc Qaçqınlar Düşərgəsində Əl-Furqan məscidi yaxınlığındakı çadıra pilotsuz uçuş aparatı (PUA) ilə təşkil edilən hücumda 3 fələstinli həyatını itirib. Düşərgənin digər nöqtələrinə həyata keçirilən 2 hava hücumunda 5 fələstinli ölüb, 18-i yaralanıb. Tanklardan və artilleriyadan açılan atəş nəticəsində ölən və yaralananlar da olub.
Ər-Rəşid küçəsində İsrail əsgərlərinin açdığı atəş nəticəsində Qəzzanın şimalındakı şəhərdən mərkəzi hissəyə köçməyə çalışan bir fələstinli qarın və ayağından yaralanıb və Əl-Avde xəstəxanasına aparılıb.
Qəzzanın Et-Tuffah bölgəsində Əbu Acve ailəsinin evinə edilən hücumda bir fələstinli, Şeyx Rıdvan bölgəsində bir, Əs-Səftavi bölgəsində isə bir evə edilən hücumda dörd fələstinli həyatını itirdi.
Şimaldakı Beyt Lahiya şəhərində Əl-Hulu ailəsinin evinə təşkil edilən hava hücumunda 4 nəfər ölüb, çoxlu sayda insan yaralanıb.
Cibaliya Qaçqınlar Düşərgəsindəki Əbu Şarh qovşağında İsrailə məxsus “Quadcopter” tipli pilotsuz uçuş aparatından açılan atəş nəticəsində 1 qadın, Bi’r-en-Nace bölgəsində isə hava hücumu nəticəsində 5 fələstinli həyatını itirib.
İsrail ordusunun cənubdakı Xan Yunus şəhərinin şərqindəki Abesan qəsəbəsini artilleriya atəşinə tutması nəticəsində 1 qız ölüb, 1 qadın yaralanıb.
Abesan və Beni Suheyla qəsəbələri və Əl-Fuhari bölgələrində İsrail helikopterlərindən intensiv atəş açılıb. İsrail ordusunun təxliyə çağırışlarından sonra sözügedən bölgələrdə sıx bir köç hərəkatı müşahidə edilib.
Xan Yunisin şərq və qərbində baş verən hücumlarda 16 fələstinli həlak olub.
Rəfah əyalətində İsrail döyüş təyyarələrinin Əl-Mirac bölgəsində Əbu Maşi ailəsinin evini hədəf alan hücumunda 8 fələstinli, Xurbət əl-Ades bölgəsində Ən-Nəhhal ailəsinin evinə edilən hücumda bir fələstinli həyatını itiribi. El-Berki ailəsinin evinə edilən hücumda 4 nəfər yaralanıb.
Şayəstə Hüseynova
