HƏMAS fevralın 22-də keçiriləcək mübadilə çərçivəsində üç deyil, altı israilli məhbusu sağ buraxmağa razılaşdığını açıqlayıb.
Elchi.az xəbər verir ki, Həmas Siyasi Bürosunun üzvü Xəlil əl-Hayye İsraillə əldə olunan atəşkəs razılaşması çərçivəsində məhbus mübadiləsi gündəmi ilə bağlı açıqlama verib.
Hayye bildirib ki, Həmas 4 israilli məhbusun cəsədini fevralın 20-də Qırmızı Xaça təhvil verəcək.
Bundan əlavə, Hayye fevralın 22-də əvvəlcədən planlaşdırıldığı kimi 3 deyil, 6 israilli diri-diri məhbusun azad ediləcəyini bildirib.
HƏMAS-ın atəşkəsin ikinci mərhələsini həyata keçirməyə hazır olduğunu bildirən Hayye, Təl-Əviv rəhbərliyinin atəşkəsin ikinci mərhələsi üçün danışıqlara başlamaqdan çəkindiyini qeyd edib.
Digər tərəfdən, İsrail Baş Nazirlik İdarəsindən verilən açıqlamada, Qahirədə keçirilən danışıqlarda Fevralın 22-də HƏMAS-ın 6 İsrailli diri məhbusun sərbəst buraxılması ilə bağlı razılığın əldə edildiyi bildirilib.
HƏMAS-ın 6 diri məhbusdan əlavə, ümumilikdə 8 israilli məhbusun cəsədini fevralın 20-də 4 və gələn həftə 4-də təhvil verəcəyi bildirilib.
Yerli media İsrail hökumətinin konteyner evlərin və tikinti texnikasının Qəzzaya daxil olmasına icazə vermək üçün fevralın 22-də üç israilli məhbus əvəzinə altı israilli məhbusun azad edilməsini tələb etdiyini bildirib.
Atəşkəs şərtlərini pozan, karvan və tikinti texnikasının ölkəyə girişinə icazə verməyən İsrailin HƏMAS-ın bu addımından sonra qərarını dəyişib-dəyişdirməyəcəyi hələlik məlum deyil.
Şayəstə Hüseynova
