Ukraynanın baş naziri Denis Şmıqal bu gün verdiyi açıqlamada Ukraynanın Dünya Bankından 4 milyard 800 milyon ABŞ dolları kapital dəstəyi aldığını açıqlayıb.
xElchi.az xəbər verir ki, əldə edilən məlumata görə, bu dəstək Dünya Bankının Ukraynaya verdiyi ən böyük investisiya layihəsidir. Dəstək Ukraynanın cəmiyyət, təhsil və səhiyyə sahələrində islahatlarını və inkişafını sürətləndirmək, yenidənqurma layihələrinin həyata keçirilməsini gücləndirmək məqsədi daşıyır.
Şmıqal açıqlamasında 2022-ci ilin fevral ayından Ukraynanın Dünya Bankının müxtəlif mexanizmlərindən aldığı kapital dəstəyinin 50 milyard dollara çatdığını bildirib.
Nuranə Məmmədova
