Danimarka Dəniz Administrasiyası Skagen limanında tankerlər tərəfindən dənizdə təhlükəsizlik qaydalarına əməl olunmasının təmin edilməsi, ətraf mühitin və dənizçilərin qorunması üçün tədbirləri gücləndirir.
Elchi.az xəbər verir ki, bu barədə idarənin press-relizində bildirilib.
Tədbirlər Baltik və Şimal dənizlərini birləşdirən və dənizdə təhlükəsizlik, ətraf mühit və dənizçilərin özlərinin mühafizəsi üçün risklər yaradan Skandinaviya və Yutland yarımadaları arasında Danimarka boğazlarından keçən köhnə neft tankerlərinin aktiv hərəkətinə cavab olaraq həyata keçirilir.
Mesajda həmçinin qeyd olunub ki, Danimarka Dəniz Administrasiyası ölkənin su hövzəsindən keçməsi təhlükəsiz sayıla bilməyən Skagendə lövbər salmış gəmilərə liman dövləti nəzarətini həyata keçirir.
Press-relizdə deyilir ki, tankerlər yüksək riskli gəmilər hesab olunduğundan liman rəhbərliyi liman nəzarəti məsələsinə xüsusi diqqət yetirir və burada bu tip gəmilərə üstünlük verir.
Yeganə
