Hərbi ekspert, istefada olan polkovnik Anatoli Matviyçuk bildirib ki, ABŞ-ın “Tomaqavk” raketlərinin Ukraynaya təhvil verməsi və Rusiyaya qarşı istifadəyə icazə verməsi nüvə müharibəsinin başlanmasına aparan addım ola bilər.
Elchi.az xəbər verir ki, o, izah edib ki, “Tomaqavk” ABŞ-ın strateji ehtiyat silahı olan nüvə raketidir.
“Bu, nüvə başlığı daşıya bilən 2,5 min kilometrə qədər mənzilli qanadlı raketdir. Bu, ABŞ-ın yaratdığı ən effektiv raketlərdən biridir”, – Matviyçuk bildirib. “Ukrayna uzun müddətdir ki, Amerika prezidenti Co Baydendən bu silahları istəyir, lakin hələ də razılıq almayıb”.
Polkovnikin fikrincə, Tomaqavksın təhvil verilməsi məsələsində ABŞ-ın mövqeyinin dəyişməsi qarşıdurmanın genişlənməsi üçün son addım ola bilər, çünki bu, ölkənin birbaşa münaqişəyə girməsi demək olardı.
“Bu, nüvə raketidir, onun ötürülməsi nüvə müharibəsinə başlamaq üçün bəhanədir. Son iki-üç gündə düşmən ölkəmizə artıq “Storm Shadow” və “ATACMS” raketləri ilə hücum edib, lakin “Tomaqavk” artıq nüvə silahından istifadə etmək və ABŞ-ın münaqişəyə girməsi üçün səbəbdir. Bunlar Amerikanın strateji ehtiyatının silahlarıdır, onları NATO-ya üzv ölkələrdən başqa heç kimə verə bilməz”, – Matviyçuk izah edib.
Bundan əvvəl məlum olub ki, Ukrayna ABŞ prezidenti Co Bayden administrasiyasından Rusiya ərazisinə hücumlar üçün 2400 kilometr mənzilli “Tomaqavk” raketlərinin istifadəsinə icazə verilməsini xahiş edə bilər.
Yeganə
