Lavrov: Rusiya Aİ-nin Mərkəzi Asiyada dominantlıq yaratmaq cəhdlərinin əleyhinədir.
Elchi.az xəbər verir ki, Rusiyanın xarici işlər naziri Sergey Lavrov bəyan edib ki, Rusiya Qərbin Mərkəzi Asiya regionunda dominantlıq yaratmaq cəhdlərinə qəti şəkildə qarşıdır. Onun Özbəkistana səfəri və respublika rəhbərliyi ilə apardığı danışıqlardan sonra keçirilən mətbuat konfransında dediyi sözlər TASS-a istinadən xəbər verir.
“Biz əməkdaşlıq proseslərinin siyasiləşdirilməsinin, bu və ya digər qrup ölkələrin bu və digər geosiyasi məkanlarda dominantlıq yaratmaq cəhdləri ilə bağlı ideoloji elementlərin daxil edilməsinin qəti əleyhinəyik”, – diplomat bildirib.
Nazir Mərkəzi Asiya ilə Rusiya Federasiyası, eləcə də Mərkəzi Asiya və Avropa İttifaqı (Aİ) arasında əməkdaşlıq haqqında sualı cavablandırarkən qeyd edib ki, bu cür qarşılıqlı fəaliyyət formatları qarşılıqlı fayda prinsiplərinə əsaslanmalı və bütün tərəflərin maraqlarını nəzərə almalıdır. Bununla belə, Lavrovun fikrincə, qərbli həmkarlarının yanaşmaları dominantlıq yaratmaq cəhdlərini göstərir və bununla Aİ üzvləri xüsusilə seçilirlər.
Aprelin 22-də Rusiya Xarici İşlər Nazirliyinin rəhbəri Özbəkistana rəsmi səfərə gəlib; onun təyyarəsi Səmərqənd hava limanına enib. Xarici İşlər Nazirliyinin məlumatına görə, Lavrov ikitərəfli strateji tərəfdaşlıq və müttəfiqliyin inkişaf etdirilməsi məsələlərini müzakirə etmək üçün ölkə prezidenti Şavkat Mirziyoyev və xarici işlər naziri Bəxtiyor Saidov ilə görüşməyi planlaşdırır.
Şayəstə Hüseynova
