Belarus lideri Aleksandr Lukaşenko deyib ki, o, cib telefonu olmadan işləyir: bu, təhlükəsizlik səbəbləri və zərurətin olmaması ilə əlaqədardır.
Elchi.az xəbər verir ki, Lukaşenko interneti “ciddi silah” adlandırıb və Teleqramın qurucusu Pavel Durovu misal çəkib.
Lukaşenko bu barədə sentyabrın 2-də Vitebsk Dövlət Universitetində tələbələrlə söhbətində danışıb. Belarus lideri qeyd edib ki, onun heç vaxt cib telefonu olmayıb və mobil telefona ehtiyacı yoxdur.
“Mən çox nadir hallarda mobil telefonla danışıram, məndə təhlükəsizlik xidməti var, onların dövlət rabitəsi və bütün telefonları var”, – deyə BelTA agentliyi Lukaşenkodan sitat gətirir.
O, telefonunun olmamasının ikinci səbəbi kimi təhlükəsizliyi göstərib. Belarus prezidenti qeyd edib ki, internet təkcə böyük sərvət deyil, ondan daha çox “ciddi silah” kimi də istifadə etmək olar.
“…Bu silah onu əlində saxlayanların nəzarətindən çıxanda Pavel Durov kimi olacaq – onlar onu tez bir zamanda qoyub söz azadlığını və sairəni unudacaqlar”, – deyə Lukaşenko bildirib.
Yeganə
Mənbə: Vesti.ru
