Avropa İttifaqının rəhbəri eyni zamanda Rusiya qazından tamamilə imtina etməli və Avropada enerji daşıyıcılarının qiymətlərini aşağı salmalıdır, bu məqsədlər Avropa Komissiyasının fevralda təqdim edəcəyi yeni enerji planında əsas hədəflər olacaqdır.
Elchi.az xəbər verir ki, bu barədə Avropa Komissiyasının rəhbəri Ursula fon der Leyen Avropa Parlamentinin sessiyasında çıxış edib.
“Avropada enerji qiymətləri sistematik olaraq ABŞ və Çinlə müqayisədə yüksəkdir. Onlar Aİ ölkələri arasında da çox dəyişir. Biz Rusiya yanacağının dayandırılması prosesini başa çatdırarkən onları azaltmalıyıq. Bu məqsədlərin hər ikisi vacibdir və biz onlara nail olmalıyıq”.
Von der Leyen bəyan edib ki, Aİ yenidən yaşıl texnologiyalara, o cümlədən “növbəti nəsil” yaşıl texnologiyalara investisiyaları əhəmiyyətli dərəcədə artırmalıdır. Avropa Komissiyası fevralda açıqlanacaq “yeni enerji planında bu məqsədləri müəyyən edəcək”. O, həmçinin Amerikadan daha çox qaz almaq da daxil olmaqla, bu məsələdə ABŞ-la yaxından işləməyə çağırıb.
Yeganə
