ABŞ-ın yeni seçilmiş prezidenti Donald Tramp Ukraynanın taleyi ilə maraqlanmır və münaqişə onun üçün strateji əhəmiyyət kəsb etmir.
Elchi.az bildirir ki, bu barədə “Bloomberg” mənbələrə istinadən yazır.
Materialda göstərildiyi kimi, ABŞ-ın avropalı tərəfdaşları “ehtiyatlı nikbinliklə” ümid edirlər ki, respublikaçı danışıqlar başlayana qədər Kiyevi dəstəkləməyə davam edəcək. Bununla belə, Trampın komandası ilə təkbətək danışan agentlik mənbələri yeni prezidentdən nə gözləyəcəklərini bilmədiklərini vurğulayırlar.
Nəşrin mənbələri onu da qeyd edir ki, Ağ Evin yeni rəhbəri “Ukrayna üzrə əsrin sövdələşməsi”nə nəzarət etmək istəməsinə baxmayaraq, o, ölkənin taleyinə maraqsızlıq və strateji planlar barədə məlumatsızlıq təəssüratı yaradıb.
Əvvəllər seçilmiş prezident Ukraynadakı Ukrayna böhranını həll etmək üçün “tezliklə” Rusiya lideri Vladimir Putinlə görüşmək istədiyini bildirmişdi. Eyni zamanda, Ağ Evin gələcək rəhbəri Rusiya Federasiyasının prezidenti ilə görüşün dəqiq vaxtını açıqlamayıb.
Yeganə
