Serbiyanın Macarıstanla birlikdə inşa edəcəyi xam neft kəmərinin tikintisinə bu il başlanacağı və 2028-ci ildə başa çatdırılacağı bildirilib.
Elchi.az xəbər verir ki, Macarıstanın xarici işlər və xarici ticarət naziri Peter Szijjarto Serbiyanın paytaxtı Belqradda rəsmi təmasları çərçivəsində Serbiyanın energetika və mədən naziri Dubravka Jedovic Handanovic ilə mətbuat konfransı keçirib.
Szijjarto burada etdiyi şərhdə, iki ölkə arasında tikiləcək xam neft kəmərinin tikintisinə bu ilin sonunda başlanacağını ifadə edərək, “Macarıstanda ilkin ekspertiza mərhələsini tamamladıq. Macarıstanın beynəlxalq neft və qaz şirkəti MOL Group da ekspertiza araşdırmasını iki ölkəyə təqdim etdi. Biz bunu qəbul etdik. Serbiya da tikinti üçün lazım olan ərazini təsdiqlədi” – deyib.
İnşa ediləcək boru xəttinin təxminən 190 kilometr uzunluğunda olacağını bildirən Szijjarto, “Boru xəttini iki ölkə arasında 2028-ci ildə istifadəyə verməyi planlaşdırırıq” – deyə bildirib.
“Bu, region üçün çox mühüm investisiyadır. Boru kəmərinin gücü ildə 4-5 milyon ton arasında olacaq. Bu, Serbiyanın bütün neft ehtiyacını Macarıstandan ödəyə biləcəyi anlamına gələcək”, – Szijarto bildirib. qiymətləndirmə aparıb.
Djedovic Handanovic həmçinin Macarıstana göstərdiyi dəstəyə görə təşəkkür edib.
Serbiya və Macarıstan 2023-cü ildə iki ölkə arasında xam neft kəmərinin tikiləcəyini açıqlayıb.
Nuranə Məmmədova
