Birləşmiş Millətlər Təşkilatı (BMT) Qəzza və Livanda artan şiddətə və İsrailin bölgədəki digər ölkələrlə gərginliyinə işarə edərək, “Son illərdə Yaxın Şərqdə ən təhlükəli yol ayrıcındayıq” – deyə xəbərdarlıq edib.
Elchi.az xəbər verir ki, BMT Təhlükəsizlik Şurasında Qəzza və işğal olunmuş Fələstin ərazilərində vəziyyətlə bağlı ictimai dinləmə keçirilib.
Burada üzv ölkələri məlumatlandıran BMT-nin Yaxın Şərq Sülh Prosesi üzrə Xüsusi Koordinatoru Tor Wennesland Qəzzada “dəhşətli qarşıdurma”nın ikinci ilinə girdiyini xatırladaraq, işğal olunmuş Fələstin torpaqlarında və ümumi bölgədə şiddətin əhəmiyyətli dərəcədə artdığını bildirib.
Wennesland İsrailin dünən Beyt Lahiyaya hücumu nəticəsində 25-i uşaq olmaqla ən azı 90 fələstinlinin öldürüldüyünü və ya itdiyini qeyd edib.
Bu hücumun İsrailin son vaxtlar Qəzzanın şimalında həyata keçirdiyi ölümcül hücumlardan biri olduğuna diqqət çəkən Wennesland, “Yalnız dəhşətli bir humanitar kabusla deyil, həm də davamlı həll yolu tapma imkanlarının olduğu bir vəziyyətlə qarşı-qarşıyayıq. Bu münaqişə sürətlə yox olur”- qiymətləndirməsini edib.
Wennesland keçən həftə Qəzzaya səfər etdiyini və “Gördüklərim gözləniləndən çox uzaqdır” – deyib.
Qəzza zolağının Xan Yunisə girişindən tam dağılmamış yalnız 2 binanı görə bildiyini qeyd edən Vennesland atəşkəs çağırışını təkrarlayıb.
Qəzzada mülki şəxslərin ölümlərini, davam edən yerdəyişmələri və məhbuslara qarşı rəftarı pislədiyini bildirən Wennesland, Qəzzada məhbusların saxlanmasını və İsrailə atılan raketləri də pislədiyini bildirib.
Wennesland Qəzzada humanitar yardım əməliyyatlarını yaxşılaşdırmaq üçün “əsaslı dəyişiklik tələb olunduğunu” bildirib.
“İordan çayının qərb sahilində zorakılıq həyəcan verici səviyyədə artıb”
Diqqətin Qəzzaya yönəldiyi bir vaxtda işğal altındakı İordan çayının qərb sahili və Şərqi Qüdsdə vəziyyətin pisləşdiyinə və şiddətin artdığına diqqət çəkən Wennesland, “Qəzzada qarşıdurma başlayandan bəri burada zorakılıq həyəcan verici bir şəkildə artıb və şiddətlənib”- deyə xəbərdarlıq edib.
Wennesland, mülki şəxslərə qarşı hər cür zorakılıq və terror fəaliyyətini pislədiyini və İsraili Fələstin xalqını qorumağa və zorakılığa səbəb olanları məsuliyyətə cəlb etməyə çağırdığını bildirib.
“Qəzzada yeganə həll siyasi həlldir”
İsrail Parlamentinin BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) fəaliyyətinə son qoymağı hədəfləyən qanun layihəsini təsdiqləməsinin birtərəfli addım olduğunu ifadə edən Wennesland, “Bu, təkcə Fələstinli Qaçqınlar üçün verilən səlahiyyəti pozmur. BMT, həm də BMT qətnamələri və beynəlxalq hüquqa uyğun olaraq siyasi fəaliyyət göstərir.” “Bu, həll səylərini baltalayır və qarşısı alınmalıdır” – deyib.
Wennesland, İsrailin UNRWA-nı məhv etmək səylərindən dərin narahatlığını ifadə edərək, “Qəzzada yeganə həll yolu siyasi həlldir. İşğala son qoymaq və iki dövlətli həlli təmin etmək üçün bir yol tapılmalıdır” – deyə vurğulayıb.
Nuranə Məmmədova
