Birləşmiş Millətlər Təşkilatının Beynəlxalq Miqrasiya Təşkilatının (BMqT) Livan ofisinin rəhbəri Mathieu Luciano, İsrailin hücumlarını davam etdirdiyi Livandan təxminən 235 min insanın Suriyaya keçdiyini bildirib.
Elchi.az xəbər verir ki, Lusiano BMT-nin Cenevrə ofisinin həftəlik mətbuat konfransında onlayn şərhlər edib.
23 Sentyabr-3 Oktyabr tarixləri arasında təxminən 235 min adamın qurudan Suriyaya keçdiyini ifadə edən Luciano, bunların 152 mini suriyalı, 82 mini isə livanlı olduğunu bildirib.
Luciano eyni dövrdə Beyrut Hava Limanından 50 min nəfərin istifadə etdiyini, 1060 nəfərin isə dəniz yolu ilə ölkəni tərk etdiyini bildirib.
Nuranə Məmmədova
