Yunanıstan Hərbi Hava Qüvvələri İtaliyanın “Leonardo” şirkəti ilə bağlanmış müqavilə əsasında M-346B döyüş-təlim təyyarələri alıb.
Alp.az-ın məlumatına görə, təyyarələrin təqdimatı Yunanıstandakı Kalamata hərbi aviabazasında keçirilib.
Xəbərdə o da qeyd olunub ki, təyyarələr Yunanıstan Hərbi Hava Qüvvələrinin İsrailin “Elbit Systems” şirkəti ilə birgə yaratdığı döyüş-təlim mərkəzində istifadə olunacaq.
Satınalma və mərkəzin yaradılmasına dair müqavilənin dəyəri 1,68 milyard ABŞ dollarıdır və bu razılaşma 20 il müddətinə nəzərdə tutulub.
