Dünyanın daha çox istiqamətinə uçuşlar həyata keçirən hava yolu şirkəti Türk Hava Yolları yanvar ayında 6,8 milyon sərnişinə xidmət göstərmiş, donanmasında olan təyyarə sayı isə 477-yə yüksəlmişdir.
Elchi.az xəbər verir ki, Türk Hava Yollarının 2025-ci ilin yanvar ayı trafik nəticələri İctimaiyyəti Məlumatlandırma Platformasında dərc edilib.
Məlumata görə, 2024-cü ilin yanvar ayında 6,3 milyon olan aviaşirkətin daşıdığı sərnişinlərin ümumi sayı 2025-ci ilin eyni dövründə 8,2 faiz artaraq 6,8 milyona çatıb. 2024-cü ilin yanvar ayında beynəlxalq-beynəlxalq transfer sərnişinlərinin sayı 2,6 milyon ikən, 2025-ci ilin eyni dövründə 8,5 faiz artaraq 2,8 milyona çatıb. Sərnişin yüklənmə əmsalı 2025-ci ilin yanvar ayında 2024-cü ilin eyni dövrü ilə müqayisədə 2,1 bənd artaraq 82,4 faiz təşkil edib. Eyni dövrdə beynəlxalq doluluq nisbəti 82,3 faiz , daxili doluluq nisbəti isə 83,5 faiz olaraq qeyd edildi. Ümumi Mövcud Oturacaq Kilometrləri (ASK) 2024-cü ilin yanvar ayında 20 milyard ikən, 2025-ci ilin eyni dövründə yüzdə 7,5 artaraq 21,5 milyarda çatdı. 2025-ci ilin yanvar ayında daşınan yük-poçt 2024-cü illə müqayisədə dəyişməyərək 149,7 min ton olaraq qeydə alınıb. 2025-ci ilin yanvar ayının sonuna qədər donanmadakı təyyarələrin sayı 477-yə yüksəldi.
Türk Hava Yolları yanvarda 6,8 milyon sərnişin daşıyıb
