Hakim prezident Donald Tramp administrasiyasının müşayiət olunmayan mühacir uşaqların immiqrasiya məhkəmələrində təmsil olunması üçün maliyyəni kəsmək planını müvəqqəti olaraq dayandırmaq qərarına gəlib.
Elchi.az xəbər verir ki, Kaliforniyanın San-Fransisko Dairə Məhkəməsinin hakimi Araceli Martinez-Olguin Tramp administrasiyasının ABŞ-a valideynləri olmadan gələn təxminən 26 000 immiqrant uşağa təsir göstərdiyi siyasətlə bağlı qərarını verib.
Hakim, “Müşayiətsiz uşaqların qanuni təmsilçiliyi üçün davamlı maliyyələşdirmə immiqrasiya sistemində səmərəliliyi və ədaləti təşviq edir” deyən iş davam edərkən sözügedən təcrübənin müvəqqəti olaraq dayandırılmasına qərar verdi. ifadəsini işlətdi.
Sabah qüvvəyə minəcək bu qərar aprelin 16-dək qüvvədə olacaq.Tramp administrasiyası ölkəyə tək və valideynsiz gələn immiqrant uşaqların immiqrasiya məhkəmələrində təmsil olunması üçün ayrılan maliyyəni kəsdiyini açıqlayıb.
Cavab olaraq, 11 hüquq qrupu Tramp administrasiyasına qarşı məhkəmə iddiası qaldıraraq, “hökumətin insan alverinə qarşı mübarizə qanununa əsasən həssas vəziyyətdə olan uşaqlara hüquqi məsləhət vermək öhdəliyi olduğunu” iddia etdi.
ABŞ-da Qaçqınların Köçürülməsi İdarəsi (ORR) immiqrasiya məhkəmələrində müşayiət olunmayan uşaqları təmsil etmək üçün qeyri-kommersiya təşkilatlarına hər il minlərlə dollar vəsait ayırır.
Trampın mühacir əleyhinə qərarları
ABŞ-ın keçmiş prezidenti Co Bayden dövründə tətbiq edilən “müxtəliflik, bərabərlik və əhatəlilik” tətbiqlərini vəzifəyə gəldiyi gün imzaladığı prezident fərmanı ilə ləğv etməyə qərar verən ABŞ prezidenti Donald Tramp, daha sonra qanuni immiqrasiyaya icazə verən “CBP One” tətbiqinin də ləğv edildiyini açıqladı.
Prezident Tramp Quantanamoda ölkəyə qeyri-qanuni yollarla daxil olan “cinayətkar mühacirləri” saxlamaq üçün 30 min nəfərin saxlanacağı bir müəssisənin hazırlanmasına göstəriş verib, ABŞ-ın müdafiə naziri Pit Heqset isə bu müəssisənin “immiqrantlar üçün mükəmməl yer” olduğunu müdafiə edib.
Şayəstə Hüseynova
