Həyatın ən mühüm tərkib hissələrindən biri olan su, yeni bir araşdırmaya görə, Böyük Partlayışdan cəmi 200 milyon il sonra əmələ gəlmiş ola bilər. Əvvəllər ağır elementlərin olmaması səbəbindən suyun belə erkən bir zamanda mövcud ola biləcəyi ehtimalı az görünürdü. Lakin yeni simulyasiyalar ilkin kainatın əvvəllər düşünüldüyündən daha nəm olduğunu göstərir.
Elchi.az xəbər verir ki, Portsmut Universitetindən kosmoloq Daniel Whalen və komandası iki ulduzun virtual partlayışını yenidən qurmaq üçün ilkin kainatın şərtlərindən istifadə etdilər.
Araşdırmalara görə, suyun əmələ gəlməsi üçün lazım olan şərait kainatın yaranmasından 100 milyon il sonra mövcud olub. Böyük Partlayışdan sonra hidrogen, helium və litium qazlarının birləşərək ilk ulduzları meydana gətirdiyi və bu ulduzların partlamaları ilə oksigen kimi ağır elementlərin bütün kainata yayıldığı müəyyən edilmişdir.
Şayəstə Hüseynova
