Rusiyalıların təxminən 78,6%-i Rusiya prezidenti Vladimir Putinə etimad ifadə edir. Eyni zamanda, Ümumrusiya İctimai Rəyin Öyrənilməsi Mərkəzinin təşkilatın saytında dərc etdiyi sorğunun nəticələrinə görə, təxminən 75,7% onun işini bəyənir.
Elchi.az xəbər verir ki, bununla yanaşı, respondentlərin 16,8%-i Rusiya liderinə etimadsızlıq ifadə edib, daha 14,7%-i isə onun prezident kimi fəaliyyətini bəyənmir.
Rusiya hökumətinin sədri Mixail Mişustinə vətəndaşların 60,4%-i etibar edir, respondentlərin 18,9%-i ona etibar etmir. Mişustinin işini respondentlərin 51,2%-i müsbət qiymətləndirib, 11,0%-i isə bundan razı deyil. “VTsIOM-Sputnik” təşəbbüsü ilə ümumrusiya sorğuları 2024-cü ilin sentyabr-dekabr aylarında keçirilib. Sorğuda yaşı 18-dən yuxarı olan 1600 rusiyalı iştirak edib.
Yeganə
