Rusiyanın Qərb ölkələrindən qlobal Cənub və Şərqə dönüşü son illərdə baş vermədi.
Elchi.az TASS-a istinadən xəbər verir ki , bu barədə Rusiya lideri Vladimir Putin bildirib.
“Bəli, Rusiya hazırda qlobal Cənub və Şərqə doğru dönməyib. Rusiya bunu uzun müddət, 2000-ci illərdən qlobal inkişaf tendensiyalarını və qlobal iqtisadiyyatın inkişafını nəzərə alaraq həyata keçirir. Sakitcə, addım-addım. Amma biz bunu çoxdan edirik”, – prezident bildirib.
Daha əvvəl Putin qeyd edib ki, Qərb ölkələri 2022-ci ildə Rusiya ilə ticarət əlaqələrini və tədarük zəncirlərini məhv edərək, etibarsız tərəfdaş olduqlarını sübut ediblər. Onun sözlərinə görə, o zaman Rusiya sahibkarları, şirkətləri və bütöv sənayeləri bəzi ölkələrin aparıcı elitalarının hərəkətləri ucbatından ciddi problemlərlə üzləşib.
Nuranə Məmmədova
