Çin ədəbiyyatı klassiki əsasında çəkilmiş cizgi filmi “Ne Zha 2” Çində 10 milyard yuan (1,3 milyard dollar) gəlir əldə edən ilk film olub.
Elchi.az xəbər verir ki, Sinxua-nın məlumatına görə, film nümayiş olunduğu 16-cı gündə kassa gəliri 10 milyard yuana çatıb.
Beləliklə, Ne Zha 2 Çində kassada 10 milyard yuan həddini keçən ilk film oldu.
16-cı əsrdə yazılmış klassik “Fınqşın Yanyi” (Tanrıların qətiyyəti) romanının adaptasiyası olan fantastik cizgi filmi Çin Buddizmində qoruyucu tanrı “Ne Zha”nın macəralarından bəhs edir.
Tənqidçilər 2019-cu ildə tamaşaçılarla görüşən ilk filmin davamı olan “Ne Zha 2″nin Çin folklorundan qaynaqlanan hekayəni hərəkət, yumor və romantika ilə birləşdirərək uğurlu bir tamaşa olduğunu qeyd etdilər.
Ne Zha 2 fevralın 6-da 5,77 milyard yuan (804 milyon dollar) gəlirlə “ən çox gəlir gətirən kinofilm” oldu.
Film əvvəlki kassa hiti olan 2021-ci ildə “Çanjin gölünün döyüşü” filmini geridə qoydu.
Fevralın 7-də 6,7 milyard yuan (947 milyon dollar) gəlir əldə edən film 2015-ci ildə “Ulduz müharibələri: Qüvvət oyanır” filminin ABŞ-da kassa gəlirini də üstələdi və “bir bazarda ən çox gəlir gətirən film” oldu.
Film fevralın 8-də kassa gəliri 1 milyard dollara çatdı və bu göstəricini keçən ilk qeyri-Hollivud istehsalı oldu.
Fevralın 10-da 160 milyonu keçən tamaşaçı ilə Ne Zha 2, 2017-ci ildə 159 milyon insanın izlədiyi “Qurd Döyüşçüsü 2” filmini geridə qoyaraq, Çində “bütün zamanların ən çox baxılan filmi” oldu.
Nuranə Məmmədova
