Birləşmiş Ştatların Müdafiə Nazirliyi bütün Amerika qoşunlarının Suriyadan çıxarılması planları üzərində işləyir.
Elchi.az xəbər verir ki, bu barədə iki müdafiə rəsmisi “NBC News”-a bildirib.
Planların hazırlanmasına ABŞ prezidenti Donald Tramp və ətrafının marağı səbəbindən başlanılıb. Aydınlaşdırılır ki, planlar bir aydan üç ay ərzində qoşunların çıxarılmasını nəzərdə tutur.
“Prezident Donald Tramp və ona yaxın məmurlar bu yaxınlarda ABŞ qoşunlarının Suriyadan çıxarılmasında maraqlı olduqlarını bildirdilər və bu, Pentaqon rəsmilərini qoşunların tamamilə çıxarılması üçün planlar hazırlamağa başlamağa sövq etdi”, – nəşr qeyd edir.
Həmçinin qeyd edilir ki, Trampın milli təhlükəsizlik üzrə müşaviri Mayk Uolz ABŞ Mərkəzi Komandanlığının qərargahında olub, orada yüksək rütbəli hərbi rəhbərliklə görüşüb və Yaxın Şərqdəki vəziyyətlə bağlı məlumat alıb. Kanalın həmsöhbətinin sözlərinə görə, Uolz Amerika bölmələrinin çıxarılması məsələsini qaldırmayıb, lakin o, regiondakı vəziyyətlə tanış olmaq istəyib.
Bundan əvvəl Amerika hərbi idarəsi Suriyada təxminən iki min ABŞ hərbçisinin olduğunu bildirmişdi. Ağ Evin istefa verən administrasiyasının Milli Təhlükəsizlik Şurasının strateji kommunikasiyalar üzrə koordinatoru Con Kirbi Birləşmiş Ştatların respublikada hərbi mövcudluğunu saxlamaq niyyəti barədə məlumat verib.
Suriya bir çox ölkələrin maraqlarının toqquşduğu yerə çevrilib, deyə köşə yazarı İvan Starodubtsev qeyd edib.
Yeganə
