NASA-nın Parker Günəş zondu Günəşin səthinə cəmi 6,1 milyon kilometr yaxınlaşaraq 2024-cü ilin dekabrında müəyyən etdiyi rekordu bir daha qırdı.
Elchi.az xəbər verir ki, bu məsafə insan tərəfindən yaradılan bir cismin Günəşə çatdığı ən yaxın məsafədir. Zond saatda təqribən 192 kilometr sürətlə hərəkət edərək süni obyektin əldə etdiyi ən yüksək sürətə çatdı.
Hər iki rekord ilk dəfə 24 dekabr 2024-cü ildə Parker tərəfindən qırıldı. Bu şücaət 22 mart 2025-ci ildə təkrarlandı və zond bir daha təxminən 8,3 milyon kilometr dərinliyə qədər uzanan Günəş atmosferinə daxil oldu.
Həddindən artıq temperatura davamlı texnologiya.
Parkerə bu cəsarətli missiyanı uğurla başa vurmağa imkan verən əsas element həddindən artıq temperaturlara tab gətirə bilən xüsusi istilik qalxanı idi. Günəşin atmosferi onun səthindən milyonlarla dərəcə isti olduğundan, zondun bu temperaturlara tab gətirə bilməsi böyük mühəndislik nailiyyəti hesab olunur.
“Kosmik gəmi 25 mart çərşənbə axşamı günü Cons Hopkins Tətbiqi Fizika Laboratoriyasında Missiya İdarəsi ilə əlaqə saxladı. Göndərilən siqnallar zondun yaxşı vəziyyətdə olduğunu və sistemlərinin normal işlədiyini göstərirdi”, – NASA-nın açıqlamasında deyilir.
Şayəstə Hüseynova
