İtaliya hökuməti İlon Maskın “Starlink” peyk sistemi vasitəsilə hökumətin gizli əlaqəsini davam etdirmək qərarına gəlib. Sözügedən sistem ABŞ-da gizli bir layihəyə daxil edilib. Lazer sistemi ilə bütün məxfi əlaqə məlumatlarını toplaya bilən layihə sayəsində heç bir ölkənin ordusuna və kəşfiyyatına heç bir məxfi məlumat axınının təmin edilə bilməyəcəyi iddia edilir.
Elchi.az xəbər verir ki, ABŞ-da yerləşən qlobal kibertəhlükəsizlik xəbər orqanı “c4isrnet”in ABŞ ordusundan əldə etdiyi məlumata görə, İtaliya hökuməti ilə Donald Tramp hökumətində nazir vəzifəsini icra edəcək ABŞ-lı milyarder sahibkar İlon Mask arasında strateji saziş imzalanacaq.
Müqaviləyə əsasən, İtaliya hökuməti gizli hökumət rabitəsini həyata keçirmək üçün Maskın Starlink peyk bürcü rabitə sistemindən istifadə edəcək. Starlink bu yaxınlarda ABŞ-da gizli bir layihənin mərkəzində idi. HALO adlı gizli layihə çərçivəsində yer orbitindəki hərbi, kəşfiyyat və ictimai peyklər xüsusi bir lazer sistemi ilə bir-birinə bağlandı və bütün məlumatlar sürətlə Muskın Starlink verilənlər bazasına ötürüldü. Mövcud sistemin Starlink-dən istifadə edən bütün ölkələrin məxfi və hərbi kommunikasiyalarına anında müdaxilə edə biləcəyi iddia edilir.
Şayəstə Hüseynova
