Alman diplomatlar Dəməşqdə Suriyanın yeni hakimiyyət orqanlarının nümayəndələri ilə görüşərək Suriyada keçid prosesini və ölkədəki azlıqların hüquqlarının müdafiəsini müzakirə edəcəklər.
Elchi.az “Reuters”-ə istinadən xəbər verir ki, bu barədə Almaniya Xarici İşlər Nazirliyi (XİN) əməkdaşlıq planlarını bölüşüb,
Departament qeyd edib ki, Almaniya “Həyat Təhrir əş-Şam” qruplaşmasının (HTS, terrorçu kimi tanınan və Rusiyada qadağan olunmuş) fəaliyyətini diqqətlə izləyir. Xarici İşlər Nazirliyinin bəyanatında qrupun son vaxtlar “ehtiyatlı davrandığı” vurğulanıb.
“Dəməşqdə diplomatik mövcudluq imkanları da araşdırılır”, – Almaniya Xarici İşlər Nazirliyi bildirib. Almaniyanın HTS ilə danışıqlara başlamaq niyyəti dekabrın 12-də məlum olub. Almaniya Müdafiə Nazirliyinin (MN) rəhbəri Boris Pistorius Almaniya və digər Avropa ölkələrinin Suriyadakı vəziyyətə daha fəal qoşulmaq niyyətində olduğunu bildirib.
Yeganə
