WSJ: Ukraynanın raket proqramı maliyyə və potensialın olmaması səbəbindən əngəllənir.
Elchi.az xəbər verir ki, Ukrayna hakimiyyəti öz raket proqramını inkişaf etdirməyə çalışır, lakin onların maliyyə və imkanları çatışmır. Bu barədə “The Wall Street Journal” (WSJ) Ukrayna rəsmilərinə istinadən məlumat yayıb.
Nəşrin fikrincə, maliyyə çatışmazlığı Ukraynanın raket proqramının effektivliyini məhdudlaşdıra bilər. Qəzet qeyd edib ki, Ukrayna tərəfinin texnologiyaları sovet inkişaflarına əsaslanır, lakin ölkə öz ballistik raketlərinin istehsalını təmin etməyib.
Ukraynanın strateji sənaye nazirinin müavini Anna Qvozdyarın sözlərinə görə, ölkə “birdən çox ballistik raketin” yaradılması üzərində işləyir. O, silahın dəqiq xüsusiyyətlərini açıqlamayıb. Qvozdyar əlavə edib ki, inkişaf prosesinə maliyyə çatışmazlığı mane olur. Rəsmi həmçinin qeyd edib ki, tərtibatçılar daha ucuz alternativ kimi uzun mənzilli dronların istehsalına diqqət yetirirlər.
Noyabrın 17-də prezident Co Bayden ilk dəfə olaraq Ukraynaya Rusiyanın dərinliklərinə zərbələr endirmək üçün uzaqmənzilli ATACMS raketlərindən istifadə etməyə icazə verib. “The New York Times” qəzetinin yazdığına görə, 300 km-ə qədər mənzilli ATACMS Kursk bölgəsində Ukrayna qüvvələrini qorumaq üçün istifadə edilə bilər.
Şayəstə Hüseynova
