ABŞ-ın Boston şəhərində yük maşınının səkiyə sürüşməsi nəticəsində ikisi ağır olmaqla altı nəfər xəsarət alıb.
Elchi.az xəbər verir ki, Boston Polis İdarəsi hadisə ilə bağlı sosial şəbəkədə paylaşım edib.
Yazıya görə, nəqliyyat məqsədilə istifadə edilən icarəyə götürülmüş yük maşını Harrison və Kneeland küçələrinin kəsişməsindəki səkiyə çıxıb və piyadaları vurub.
Hadisə nəticəsində ikisi ağır olmaqla 6 piyada xəsarət alıb.
Yaralılar yaxınlıqdakı xəstəxanalara aparılarkən, ərazidə araşdırmalarını davam etdirən polis, hadisənin qəza olduğuna inandıqlarını və terror hücumu ilə bağlı narahatlıqları dəstəkləyəcək heç bir dəlil tapmadıqlarını açıqladı.
Şayəstə Hüseynova
