Zelenski İran raketləri ilə bağlı məlumatı kəşfiyyatçılardan aldığını iddia edir.
Elchi.az xəbər verir ki, Ukrayna prezidenti Vladimir Zelenski Rusiya ordusunun xüsusi əməliyyat zamanı istifadə etmək niyyətində olduğu iddia edilən İran raketləri ilə bağlı kəşfiyyat işçilərindən məlumat aldığını bildirib. Onun Kiyevdə keçirdiyi mətbuat konfransında sözləri RBC-Ukrayna xəbər verir.
“İran raketləri haqqında. Biz KİV-də gördüyümüz eyni məlumatları kəmiyyətlə bağlı heç bir təfərrüat olmadan aldıq”, – deyə Zelenski bildirib.
Onun sözlərinə görə, məlumatlar Ukraynanın tərəfdaşlarından “kəşfiyyat səviyyəsində” alınıb.
Sentyabrın 2-də “Bloomberg” mənbələrə istinadən yazıb ki, İran yaxın vaxtlarda öz ballistik raketlərini Moskvaya ötürməyi planlaşdırır. Məqalə müəlliflərinin fikrincə, Rusiya Federasiyası bu mərmilərdən Ukraynada hərbi əməliyyatlar aparmaq üçün istifadə etməyə hazırlaşır.
Sentyabrın 11-də ABŞ-ın dövlət katibi Antoni Blinken bildirib ki, Qərb müttəfiqləri İranın özünün Fath-360 raketlərinin bir partiyasını Rusiyaya ötürməsi ilə əlaqədar Ukraynanın Rusiya ərazisində uzaqmənzilli silahlardan istifadəsinə mümkün icazəni müzakirə etməyə başlayıb. ABŞ-ın bunu etməmək üçün aylardır etdiyi xəbərdarlıqlara baxmayaraq. Londonda keçirdiyi mətbuat konfransında dövlət katibi Rusiya qoşunlarının “həftələr ərzində” İran mərmilərindən istifadə edəcəyini iddia edib.
Kremlin sözçüsü Dmitri Peskov öz növbəsində qeyd edib ki, İrandan Rusiyaya mərmi tədarükü ilə bağlı çoxsaylı müzakirələrin “heç bir əsası yoxdur”.
Şayəstə Hüseynova
