Rusiya Xarici İşlər Nazirliyinin rəsmi nümayəndəsi Mariya Zaxarova Amerika hakimiyyətinə xəbərdarlıq edib ki, Moskva rusiyalı jurnalistin Vaşinqtonda saxlanmasını cavabsız qoymayacaq.
Elchi.az bu barədə Vesti.ru-ya istinadən xəbər verir.
Bundan əvvəl bildirilmişdi ki, oktyabrın 29-da Vaşinqton hava limanında “İzvestiya” Beynəlxalq Araşdırmalar Mərkəzinin çəkiliş qrupu saxlanılıb. Rusiyalı jurnalistlər qarşıdan gələn prezident seçkilərini işıqlandırmaq üçün ABŞ-a gəliblər. Çəkiliş qrupunun bütün üzvlərinin bütün icazələri var idi, lakin uzun saatlar davam edən sorğu-sualdan sonra operator V.Borovikova sərhədi keçməyə icazə verilmədi.
Moskva bu hadisəni informasiya əldə etmək azadlığının və media plüralizminin təmin edilməsi sahəsində növbəti kobud pozuntu kimi qiymətləndirir. “İzvestiya” qrupu öz niyyətləri barədə Amerika tərəfini əvvəlcədən xəbərdar edib, rəsmi icazə alıb, lakin ABŞ repressiv aparatının nümayişkaranə qamçılanmasına məruz qalıb.
“Bu cür hərəkətlər hazırkı administrasiya tərəfindən elan edilmiş Rusiya mediasına və jurnalistlərə qarşı qlobal kampaniyanın məntiqinə tam uyğun gəlir və bu, ABŞ-ın təkcə beynəlxalq öhdəliklərinə deyil, həm də öz Konstitusiyasının müddəalarına birbaşa ziddir”, – Zaxarova qeyd edir. Amerika hakimiyyətinin özbaşınalığı bizim tərəfimizdən lazımi reaksiyasız qalmayacaq, Rusiya Xarici İşlər Nazirliyinin nümayəndəsi yekunlaşdırır
Yeganə
