Çinli tədqiqatçılar yeni quyruqlu qurbağa növünü kəşf ediblər. 2000 metr yüksəklikdəki dağın zirvəsində aşkar edilən növə “Od qarınlı salamandar” adı verilib.
Elchi.az xəbər verir ki, onlar Çinin cənub-şərqində, 2000 metr hündürlükdə yerləşən Huangqanq dağının zirvəsində araşdırma aparıb və yeni salamandr növü aşkar ediblər.
Tədqiqatçılar əvvəlcə kiçik gölməçədən 9 nümunə toplayıblar. Bu nümunələr üzərində aparılan analizlər nəticəsində yeni bir növün kəşf edildiyi anlaşılıb.
Yeni növ, bədənindəki fərqli qara ləkələrə və parlaq narıncı alt hissələrinə görə “Huanggang “Od qarınlı salamandar” adlandırıldı.
Quyruqlu qurbağalar kimi də tanınan salamandrlar təxminən 500 amfibiya növünün ümumi adıdır.
Salamanderlərin uzun bədənləri və uzun quyruqları var.
Milli parkda 7400-dən çox vəhşi bitki və heyvan növü yaşayır ki, bura yeni növün aşkar edildiyi Huangqang dağı da daxildir.
Çinli tədqiqatçılar bölgədə başqa naməlum heyvanların olduğunu təxmin edirlər.
Şayəstə Hüseynova
