ABŞ prezidenti Donald Tramp Qəzzada məhbus mübadiləsindən sonra verdiyi açıqlamada bildirib ki, İsrail bütün girovların azad edilməsi üçün verilən son tarixlə bağlı nə edəcəyinə bu gün qərar verməlidir.
Elchi.az xəbər verir ki, ABŞ prezidenti Donald Tramp bu gün Qəzzada Həmas tərəfindən azad edilən əsirlərdən birinin ABŞ vətəndaşı olduğunu bildirib.
Tramp açıqlamasında, bütün girovların azad edilməsi üçün verilən vaxta İsrailin qərar verməsi lazım olduğunu qeyd edib və deyib:
“Həmas Qəzzadan bir Amerika vətəndaşı da daxil olmaqla üç girovu azad edib. Onların yaxşı vəziyyətdə olduğu görünür. Bu, onların keçən həftə heç bir girovu azad etməyəcəkləri ilə bağlı bəyanatlarından bir dəyişiklik idi. İsrail indi bütün girovların azad edilməsi üçün bu gün saat 12:00-a qədər nə edəcəyinə qərar verməli olacaq. Birləşmiş Ştatlar hansı qərarı versələr, onu dəstəkləyəcəklər”.
Şayəstə Hüseynova
