Norveç Xalq Sağlamlığı İnstitutunun (FHI) araşdırmasına görə, süni intellekt (AI) qadınların döş xərçənginə tutulma riskini diaqnoz qoyulmazdan illər əvvəl müəyyən edə bilir.
Elchi.az xəbər verir ki, FHI, Kaliforniya Universiteti və Vaşinqton Universitetindən olan beş tədqiqatçı 2004-2018-ci illər arasında Norveçdə skrininq proqramında iştirak edən 116 495 qadının mamoqramma şəkillərini təhlil etmək üçün kommersiya baxımından əldə edilən süni intellekt proqramından istifadə ediblər. Araşdırma nəticəsində məlum olub ki, 1607 qadın döş xərçənginə tutulub.
Araşdırmaya görə, alqoritm 4-6 il əvvəldən hansı qadınların döş xərçəngi riski altında olduğunu və hətta hansı döşün daha yüksək risk altında olduğunu müəyyən edə bilib. Skrininq proqramına və AI layihəsinə rəhbərlik edən Solveig Hofvind, “Xərçəng inkişaf etdirən döşün süni intellekt göstəricisi digər döşdən təxminən iki dəfə yüksək idi” deyib.
Şayəstə Hüseynova
