NATO-nun baş katibi Mark Rutte vəzifəyə gəldikdən sonra Ankaraya ilk səfərini dəyərləndirib.
Elchi.az bu barədə Trthaber.com-a istinadən xəbər verir.
Rutte Türkiyə prezidenti Rəcəb Tayyib Ərdoğanla görüşü səbirsizliklə gözlədiyini ifadə edərək qeyd edib:
“Getdikcə gözlənilməz hala gələn bir dünyada Türkiyə Alyansımıza əvəzsiz töhfələr verməklə cənub cinahımızdakı çəkindiriciliyi gücləndirir”.
Rutte həmçinin bu fikirləri söyləyib: “Mən terror təhlükəsi, Ukraynadakı müharibə və Yaxın Şərqdəki böhran da daxil olmaqla, kollektiv təhlükəsizliyimizə qarşı artan çağırışları həll etmək üçün prezident Ərdoğanla görüşü səbirsizliklə gözləyirəm”.
NATO-dan verilən yazılı açıqlamada Ruttenin bu gün Türkiyə prezidenti Rəcəb Tayyib Ərdoğan, xarici işlər naziri Hakan Fidan və milli müdafiə naziri Yaşar Gülər ilə görüşəcəyi bildirilib. Bildirilib ki, Rutte Türkiyə müdafiə sənayesi rəsmiləri ilə də görüşəcək.
Yeganə
