Rusiyanın Ukraynanın Sumı şəhərində sağlamlıq mərkəzinə hücumu nəticəsində 8 nəfər ölüb, 11 nəfər yaralanıb.
Elchi.az xəbər verir ki, Rusiya ordusu səhər saatlarında Ukraynanın şimal-şərqindəki Sumı şəhərində sağlamlıq mərkəzini hədəfə alıb. Ukrayna prezidenti Vladimir Zelenski verdiyi açıqlamada hücumda 8 nəfərin öldüyünü, 11 nəfərin yaralandığını açıqlayıb. Zelenski, “Rusiya Shahed pilotsuz uçan aparatları ilə şəhər xəstəxanalarından birini vurdu. Bilirik ki, indiyədək 8 nəfər ölüb. Ailələrinə və yaxınlarına başsağlığı verirəm. Daha 11 nəfər xəsarət alıb, 113 xəstə xəstəxanadan təxliyə edilib. Dünyada bu müharibədən danışan hər kəs Rusiyanın nəyi hədəflədiyinə diqqət yetirməlidir. Xəstəxanalara, mülki insanlara və insanların həyatına müharibə elan edirlər. Yalnız güc Rusiyanı sülhə məcbur edə bilər. Güc vasitəsilə sülh yeganə doğru yoldur. “Bu yolda bizə dəstək olan hər kəsə təşəkkür edirəm.
Ukrayna Hərbi Hava Qüvvələrindən verilən açıqlamada Rusiyanın gecə boyu həyata keçirdiyi hücumda 73 pilotsuz uçuş aparatından 69-nun vurulduğu, hücumlarda 2 ballistik və 2 qanadlı raketdən də istifadə edildiyi bildirilib. Bildirilib ki, Rusiyaya məxsus 15 PUA paytaxt Kiyev və ətrafında hava hücumundan müdafiə sistemləri tərəfindən məhv edilib.
Şayəstə Hüseynova
