Rusiya Federasiyasının silahlı qüvvələri Ukraynanın qərbində, Lvov vilayətinin Stryi şəhərində enerji infrastrukturu obyektlərinə hücum edib.
Elchi.az xəbər verir ki, bu barədə Military Observer Telegram kanalı məlumat yayıb.
” Lvov vilayətinin Stryi şəhərində enerji infrastrukturu obyektlərinə ziyan dəyib”, – nəşr yazır.
Qeyd olunur ki, söhbət Ukraynanın və Avropanın ən böyük yeraltı qaz anbarından – Bilçe-Volitski yeraltı qaz anbarından gedir. Anbarın qaz tutumu 17 milyard kubmetrdir.
Rusiya Müdafiə Nazirliyi bildirib ki, Rusiya ordusu Ukraynanın 15 regionunda enerji obyektlərinə, o cümlədən elektrik yarımstansiyalarına və qaz kompressor məntəqələrinə kütləvi hava zərbələri endirib . Birgə hücum zamanı Kiyev yaxınlığındakı Vışqorod su elektrik stansiyası zədələndi . Ukrayna prezidenti Vladimir Zelenski öz növbəsində bildirib ki, Rusiya qüvvələri Ukraynaya ən güclü kütləvi hücumlardan birini həyata keçirib.
Nuranə Məmmədova
