Kosovonun paytaxtı Priştinada tullantıların idarə olunması ilə bağlı problemlərə görə fövqəladə vəziyyət qərarı verilib.
Elchi.az xəbər verir ki, Priştinanın meri Perparim Rama mətbuat konfransında bildirib ki, şəhərdə zibil yığılmasına cavabdeh olan yeganə şirkət olan “Pastrimi” regional ictimai şirkəti öz vəzifəsini səmərəli şəkildə yerinə yetirmir.
Pastriminin təkbaşına tullantıların idarə edilməsini öhdəsinə götürmək imkanının olmadığını qeyd edən Rama, “Fövqəladə vəziyyət qərarımızdan paytaxtın düzgün təmizlənməsi üçün özəl şirkətlərin dəstəyini qazanmaq üçün istifadə edəcəyik” – deyib.
Priştina Bələdiyyəsi tərəfindən edilən yazılı açıqlamada, komandaların çöl müayinələri nəticəsində zibil səbəbiylə yüksək epidemiya riskinin olduğu və həyəcanverici vəziyyətin təsbit edildiyi bildirilib.
Priştinanın bəzi məhəllələrində zibil qablarının həddən artıq dolduğu və bir çox zibil qutularının günlərlə boşaldılmadığı aşkarlanıb.
Digər tərəfdən, Pastrimi Şirkətinin baş direktoru Petrit Reçica sosial media hesabından paylaşım edərək idarə etdiyi şirkətin işini düzgün yerinə yetirməməsi ilə bağlı tənqidlərə reaksiya göstərərək, “Bütün çətinliklərə baxmayaraq, dayanmadan işləyirik. 24/7 və biz yeganə məqsədimizdən, Priştinanı zibildən təmizləməkdən əl çəkmirik”. ifadələrdən istifadə etdi.
Priştina Bələdiyyəsi oxşar vəziyyətə görə 2024-cü ildə fövqəladə vəziyyət elan edib və özəl şirkətləri tullantıların idarə olunması prosesinə daxil edib. Pastrimiyə tullantıların idarə edilməsi xidmətləri üçün müstəsna hüquqlar verən tənzimləmə Priştina Bələdiyyə Şurası tərəfindən müxalifət məclis üzvlərinin səsi ilə təsdiq edilib.
Nuranə Məmmədova
