Kremlin sözçüsü Dmitri Peskov bildirib ki, “Qazprom”un “Şimal axını 2” qaz kəmərini amerikalı investora satmaq niyyəti barədə eşitməyib.
Elchi.az xəbər verir ki, bundan əvvəl “Wall Street Journal” yazmışdı ki, amerikalı Stiven Linç ABŞ Xəzinədarlığına Baltik dənizinin dibi ilə keçən bu qaz kəmərini almaq istəyini bildirib.
Nəşr qeyd edir ki, Linç təxminən iyirmi il Moskvada bizneslə məşğul olub.
Peskov jurnalistlərə deyib: “Mən eşitməmişəm ki, bütün səhmdarlar bu mühüm enerji infrastrukturu obyektinin hərraca çıxarılmasının tərəfdarıdırlar”. Onun sözlərinə görə, “Qazprom”un “Şimal axını 2”ni satmaq istəyi barədə məlumatı yoxdur.
Çərşənbə axşamı Almaniyanın keçmiş kansleri Angela Merkellə müsahibə ortaya çıxdı və o, ölkənin Rusiyanın “Şimal axını 2” qaz kəmərinin yaradılması layihəsində iştirakından peşman olmadığını söylədi.
Yeganə
