ABŞ prezidenti Donald Trampın polad və alüminium idxalına əlavə tariflər tətbiq ediləcəyini açıqlamasının ardından Nyu-York Birjası həftənin ilk ticarət gününə artımla başlayıb.
Elchi.az xəbər verir ki, açılışda “Dow Jones” indeksi 0,21 faiz artaraq 44 396,92 bənd olub.
S&P 500 indeksi 0,34 faiz artaraq 6 046,40 bənd, Nasdaq indeksi isə 0,74 faiz artaraq 19 668,18 bənd olub.
ABŞ prezidenti Tramp ölkəyə daxil olan bütün polad və alüminiuma 25 faizlik gömrük rüsumunu açıqlayacağını açıqlasa da, birjalar polad istehsalçılarının səhmlərindəki artımlarla dəstəklənən yeni həftəyə müsbət başlayıb.
Ötən həftə ABŞ Federal Ehtiyat Sisteminin (FED) pul siyasətinin gedişatı üçün əhəmiyyətli olan kənd təsərrüfatı olmayan əmək haqqı məlumatları ölkənin əmək bazarının güclü qaldığını göstərdi.
Məşğulluq məlumatlarının ardından pul bazarlarında FED-in növbəti faiz endirimini iyun ayında edəcəyi ilə bağlı gözləntilər ön plana çıxdı.
Dollar indeksi Türkiyə vaxtı ilə saat 17:35-ə 0,25 faiz artaraq 108,30-a çatıb. ABŞ-da 10 illik xəzinə istiqrazlarının faizi təxminən 2 bənd azalaraq 4,47 faizə düşüb.
Ticarət gərginliyinin bazarların istiqamətinə təsir edə biləcəyini qeyd edən analitiklər, Trampın bu həftə bütün ölkələrə qarşı qarşılıqlı tarifləri açıqlayacağını xatırladıblar.
Analitiklər, FED sədri Jerome Powell-in bu həftə ABŞ Konqresində təqdimat edəcəyinə və investorların da yanvar ayı inflyasiya məlumatlarının dərc olunmasını gözlədiyinə diqqət çəkib.
Korporativ tərəfdə polad istehsalçısı US Steel-in səhmləri 4,6 faiz, Cleveland-Cliffs 17,6 faiz, Nucor isə 6,3 faiz artıb. Alüminium istehsalçısı Alcoa-nın səhmləri də 3,4 faiz dəyər qazanıb.
Bu gün qazanc hesabatını açıqlayan McDonald’s, ABŞ-da müqayisə edilə bilən satışların gözlənildiyindən daha çox düşməsinə baxmayaraq günü təxminən yüzdə 5 qazancla açdı.
Nuranə Məmmədova
