“Bavariya”nın qapıçısı Manuel Noyer Almaniya millisindəki karyerasını başa vurduğunu açıqlayıb.
Elchi.az xəbər verir ki, qapıçı qərarını sosial şəbəkədə açıqlayıb.
Daha əvvəl mətbuatda Noyerin 2026-cı il dünya çempionatına qədər Almaniya millisində qalmaq niyyətində olduğu barədə məlumatlar yayılmışdı. Eyni zamanda, Noyer sentyabrda keçiriləcək Millətlər Liqası matçları üçün komandanın heyətində olmayacaq. Payızda Almaniya Millətlər Liqasının qrup mərhələsində Hollandiya və Macarıstanla oynayacaq iki görüş keçirəcək.
Xatırladaq ki, Manuel Noyer Almaniya millisində 2009-cu ildə debüt edib. Transfermarkt portalında verilən məlumata görə, 38 yaşlı alman futbolçunun bazar dəyəri 4 milyon avrodur.
Nuranə Məmmədova
