ABŞ Hökumətinin Effektivliyi Departamentinin (DOGE) rəhbəri, iş adamı Vivek Ramasvami amerikalı milyarder İlon Maskla birlikdə ABŞ-ın bir neçə federal departamentini bağlamaq planlarını açıqlayıb.
Elchi.az xəbər verir ki, onun sözlərini “Fox News” sitat gətirir:
“Bəzi agentliklərin tamamilə bağlanacağını gözləyirik. Biz federal hökumətin şişirdilmiş ərazilərində böyük ixtisarlar gözləyirik”, – deyə iş adamı bildirib.
Ramasvaminin sözlərinə görə, ABŞ federal hökumətinin “həddindən artıq böyük hesablar aldığı” podratçılar arasında da ixtisarlar gözlənilir. O əlavə edib ki, bəzi departamentlər Vaşinqtondan Amerikanın digər şəhərlərinə köçürüləcək.
Bundan əvvəl ABŞ-ın yeni seçilmiş prezidenti Donald Tramp DOGE-yə Mask və Ramasvaminin rəhbərlik edəcəyini açıqlamışdı. Departament hökumət bürokratiyasının ləğvinə və israfçı xərclərin azaldılmasına diqqət yetirəcək.
Yeganə
