Helen qasırğası 3,5 milyondan çox ABŞ vətəndaşını işıqsız qoyub.
Elchi.az xəbər verir ki, bu barədə Amerikanın “NBC” telekanalı məlumat yayıb.
Qeyd olunur ki, qasırğa indi tropik tufana qədər zəifləyib, lakin enerji infrastrukturuna böyük ziyan vurmağa nail olub. Fırtına nəticəsində Florida, Corciya və Cənubi Karolina ştatlarında hər biri bir milyondan çox insan işıqsız qalıb. Bundan əlavə, Şimali Karolinada 400 mindən çox insan işıqsız qalıb. Enerji təchizatı problemləri Tennessi və Virciniya ştatlarına da təsir etdi, lakin daha az dərəcədə.
“ABŞ-ın cənub-şərqində elektrik infrastrukturuna dəymiş böyük ziyan bu səhər daha aydın görünür – 3,5 milyondan çox elektrik istehlakçısı işıqsız qalıb”, – mənbə bildirib.
Əvvəllər Helen qasırğasına 4-cü kateqoriya güc təyin edilmişdi.
Nuranə Məmmədova
