Oceana qeyri-kommersiya ətraf mühit təşkilatının dərc etdiyi hesabata görə, 2030-cu ilə qədər Coca-Cola məhsullarından çıxan plastik tullantıların miqdarının hər il dünya okeanlarına və su yollarına daxil olan 602 milyon kiloqrama çatacağı gözlənilir.
Elchi.az xəbər verir ki, hesabatda mikroplastiklərin insan sağlamlığı üçün potensial təhlükələrinə də diqqət çəkilir. Alimlər deyirlər ki, bu kiçik plastik hissəciklər xərçəng, sonsuzluq və ürək xəstəlikləri ilə əlaqəli ola bilər.
Bu məbləğin təxminən 18 milyon balinanın mədəsini doldurmağa kifayət etdiyi bildirilir.
“Coca-Cola dünyanın ən böyük içki istehsalçısı və satıcısıdır, buna görə də onların okeanın çirklənməsinə təsiri əhəmiyyətlidir” Oceana-nın korporativ çirklənmə əleyhinə kampaniyalarına rəhbərlik edən Mett Littlejon deyib.
2024-cü ildə Science Advances jurnalında dərc olunan araşdırmaya görə, Coca-Cola, PepsiCo, Nestlé, Danone və Altria dünyanın ən böyük plastik tullantı istehsalçıları arasındadır.
Şirkətin plastik istehlakı 2030-cu ilə qədər 4 milyon tonu keçə bilər
Coca-Cola-nın 2018-ci ildən 2023-cü ilə qədər ictimaiyyətə açıqlanan qablaşdırma məlumatlarını satış artımı proqnozları ilə birləşdirən Oceana, 2030-cu ilə qədər şirkətin plastikdən istifadəsinin hər il 4,13 milyon tonu keçəcəyini proqnozlaşdırır. 2020-ci ildə Science jurnalında dərc edilmiş ekspert rəyindən keçmiş metod, plastik ekolamiklik dərəcəsini hesablamaq üçün istifadə edilmişdir.
Bu hesablama nəticəsində Coca-Cola-nın plastik tullantılarının hər il təxminən 220 milyard yarım litrlik plastik butulkaya bərabər olacağı müəyyən edilmişdir.
Şayəstə Hüseynova
