Böyük Britaniyada dövlət sektorunun borcu 1960-cı illərdə, ölkənin hələ də İkinci Dünya Müharibəsinin təsirlərindən sağaldığı vaxtlarda müşahidə olunan səviyyəyə yüksəldi.
Elchi.az xəbər verir ki, bu barədə Krallığın Milli Statistika İdarəsi (ONS) məlumat yayıb.
Avqustun sonunda borcun səviyyəsi ÜDM-in dəyərinin 100 faizinə çatdı. Bir ay əvvəl bu rəqəm Böyük Britaniya ÜDM-nin 99,3 faizini təşkil edirdi.
Avqustda dövlət sektorunun gəlirləri ilə xərcləri arasındakı fərq illik müqayisədə 4,3 faiz artaraq 13,734 milyard funt-sterlinqə (illik üstəgəl 3,3 milyard) çatıb. Bu, 1993-cü ildən bəri üçüncü ən yüksək göstəricidir. Maliyyə ilinin əvvəlindən borclanmaların həcmi artaraq 64,1 milyard avroya çatıb (illik ifadədə əlavə olaraq 0,3 milyard və mart ayı proqnozları ilə müqayisədə üstəgəl 6,2).
Trend inflyasiya kontekstində dövlət qulluqçularının əmək haqları, eləcə də müxtəlif müavinət və ödənişlər üzrə xərclərin artması ilə izah olunur. Krallığın maliyyə nazirinin birinci müavini Darren Consun sözlərinə görə , Leyboristlər hökuməti iqtisadiyyatı həyata qaytarmaq üçün “çətin qərarlar” qəbul etməli olacaq. Maliyyə Nazirliyinin rəhbəri Reyçel Rivz artıq pensiyaçılar üçün mənzillərin qızdırılması üçün kompensasiyanın ləğvi, sosial təminat sistemində islahatların və infrastruktur layihələrinə investisiyaların təxirə salınması planlarını açıqlayıb.
Britaniyanın Baş naziri Keir Starmer, Rishi Sunakın rəhbərlik etdiyi əvvəlki Mühafizəkar hökumətin krallığın büdcəsində 22 milyard funt sterlinqlik “qara dəlik” buraxdığını söylədi. Ona görə də vətəndaşlar növbəti vergi artımına hazırlaşmalıdırlar. Böyük Britaniya iqtisadiyyatı gözləniləndən daha pis vəziyyətdədir, bu o deməkdir ki, ictimaiyyət “uzunmüddətli fayda üçün qısamüddətli ağrıları qəbul etməli” olacaq.
Nuranə Məmmədova
