Fox News: ABŞ siyasətçiləri Baydenin vida nitqini kəskin tənqid edirlər.
Elchi.az xəbər verir ki, Amerikalı siyasətçilər, jurnalistlər və ictimai xadimlər səlahiyyət müddəti bu həftə başa çatacaq prezident Co Baydenin vida nitqini tənqid ediblər. Fox News buna diqqət çəkib.
Konqresmen Darrell İssa sosial mediada yazıb: “Co Bayden vəzifəsini necə gəldiyi kimi tərk edir: xırda, tərəfkeş və düzünü demədən.”
Öz növbəsində, senator Markwayne Mullin qeyd etdi ki, Bayden sərhəd təhlükəsizliyi, xərclərin azaldılması və “güc vasitəsilə sülh” konsepsiyasını təşviq etmək şəklində “iqlim isteriyasını” ABŞ-ın real prioritetlərindən üstün tutur.
ABŞ Demokratik Partiyasının keçmiş müşaviri Den Turrentine də vəzifədən gedən ABŞ prezidentinin çıxışının “çox qaranlıq” olduğunu qeyd edib.
Jurnalist və Fox News-un şərhçisi Qreq Qutfeld istefa verən ABŞ prezidentinin çıxışını şərh edərək, Baydenin çıxışının “utanc verici və acınacaqlı son” olduğunu bildirib. Radio aparıcısı Kley Travis onun ikinci müddətə namizədliyini irəli sürmək cəhdini heç bir əsası olmayan ən ehtiyatsız qərar adlandırıb.
82 yaşlı Co Bayden ABŞ-ın 46-cı prezidentidir (Demokratik Partiya) və 20 yanvar 2021-ci ildən bu vəzifəni icra edir. 2009-2017-ci illərdə ABŞ prezidenti Barak Obamanın vitse-prezidenti olub. 1973-2009-cu illərdə o, ABŞ Senatında Delaver ştatını təmsil edib.
Baydenin prezidentlik müddəti yanvarın 20-də, ABŞ-ın yeni seçilmiş prezidenti Donald Trampın inauqurasiya mərasimi zamanı başa çatır. Bayden dörd illik hakimiyyətdən sonra səlahiyyət müddətini başa vurur.
Şayəstə Hüseynova
