Alimlərin yeni təhlili nəticəsində məlum olub ki, Ayın əmələ gəlməsi Yerin doğulmasına düşünüləndən daha yaxın baş vermiş ola bilər. ABŞ, Fransa və Almaniyadan olan tədqiqatçıların apardığı araşdırmaya görə, Ay təxminən 4,53 milyard il əvvəl əmələ gəlmiş ola bilər.
Elchi.az xəbər verir ki, Tədqiqata rəhbərlik edən Kaliforniya Santa Cruz Universitetinin geoloqu Frensis Nimmonun sözlərinə görə, bu tapıntı Aydakı nəhəng zərbə kraterlərinin nə üçün gözləniləndən az olması və nə üçün onların tərkibində Yerdəkindən daha az metal olması kimi bəzi sirləri aydınlaşdıra bilər.
O, həmçinin Ayın tarixi və Yerin təkamülü haqqında daha çox məlumat verə bilər.
Alimlər Ayın Mars böyüklüyündə bir cismin gənc Yerə dəyməsi nəticəsində əmələ gəldiyini düşünürlər.
Bu toqquşma nəticəsində Yer kütləsinin bir hissəsi orbitə atılmış və bu material birləşərək Ayı əmələ gətirmiş ola bilər.
Bu prosesdən sonra Ayın bütün səthini əhatə edən bir maqma okeanının olduğu və bu okeanın sürətlə soyuduğu və sərtləşdiyi düşünülür.
Ancaq Aydan götürülmüş sirkon kristalları üzərində aparılan analizlər bu ssenariyə qarşı çıxır.
Şayəstə Hüseynova
