Hill: ABŞ-da Netanyahu Amerika seçkilərinə müdaxilədə ittiham olunur.
Elchi.az xəbər verir ki, ABŞ Demokratik Partiyasının üzvləri İsrailin baş naziri Benyamin Netanyahunun ABŞ seçkilərinə müdaxilə edə, Amerika yəhudiləri və ərəb seçicilərinin səslərinə potensial təsir göstərə biləcəyindən şübhələnirlər. Bu barədə “Hill” qəzeti yazır.
“Demokratlar Netanyahunun Tramp-Harris yarışına təsir göstərməyə çalışmasından şübhələnirlər”, – nəşr yazır.
Qəzet Senatın Xarici Əlaqələr Komitəsinin üzvü, senator Kris Mörfidən (D-Connecticut) sitat gətirib: “Tamamilə mümkündür ki, İsrail hökuməti nəticələrə təsir etmək üçün potensial vasitə kimi ABŞ seçkilərindən əvvəl heç bir diplomatik saziş imzalamayacaq”.
Nəşr qeyd edir ki, ABŞ prezidenti Co Bayden və vitse-prezident Kamala Harrisin administrasiyasına dəstəkdə 2020-ci illə müqayisədə, Baydeni ərəb-amerikalı seçicilərin 59%-i dəstəkləyib.
Senatın yüksək səviyyəli Demokrat köməkçisi Mörfinin bəyanatını təkrarlayaraq, Netanyahunun uzun müddət Amerika siyasətinə “qarışmaq” üçün bir reputasiya olduğunu qeyd edib.
“Bir dəqiqə belə şübhə etmirəm ki, Bibi (Netanyahu – redaktorun qeydi) bunu təkcə daxili seçkilərə təsir etmək üçün etmir. Düşünürəm ki, o, yəhudilərin səsverməsinə təsir göstərə biləcəyini düşünür, amma ərəb amerikalıların səsverməsinə də təsir edə bilər”, – deyə adı açıqlanmayan rəsmi bildirib.
Oktyabrın 5-də İsrail Hərbi Hava Qüvvələri gün ərzində Livanın cənubunda şiə Hizbullah təşkilatının hədəflərinə bir sıra yeni zərbələr endirib.
Şayəstə Hüseynova
