Sonuncu xəbərə görə; Rusiyaya məxsus Mi-8T helikopteri Rusiyada itkin düşüb, içərisində 3-ü ekipaj üzvü və 19-u sərnişin olmaqla 22 nəfər. Vaçkajets vulkanı yaxınlığından havaya qalxan helikopter təyin olunmuş vaxtda xəbər verməyib.
Elchi.az xəbər verir ki, Rusiyanın Federal Hava Nəqliyyatı Agentliyinin ilkin məlumatlarına görə, Kamçatka yarımadasında içərisində 22 nəfərin olduğu Rusiyaya məxsus Mi-8T helikopteri yoxa çıxıb.
Helikopter Vaçkajets vulkanı yaxınlığındakı bazadan havaya qalxıb və havaya qalxdıqdan sonra yerli vaxtla saat 04:00-da hesabat verməli idi.
Ekipaj təyin olunan vaxtda hesabat vermədikdə, helikopterin taleyi ilə bağlı narahatlıqlar yaranıb və araşdırma başlanıb.
Helikopterdə 3 ekipaj üzvü və 19 sərnişinin olduğu bildirilib. Hazırda səlahiyyətlilər vəziyyəti qiymətləndirir və itən təyyarəni axtarır.
Şayəstə Hüseynova\
